നദി
സംഗീതം :ദേവരാജന്‍
രചന :വയലാര്‍
ആലാപനം :യേശുദാസ്
പുഴകൾ മലകൾ പൂവനങ്ങൾ
ഭൂമിക്കു കിട്ടിയ സ്ത്രീധനങ്ങൾ
സന്ധ്യകൾ മന്ദാര ചാമരം വീശുന്ന
ചന്ദന ശീതള മണൽപ്പുറങ്ങൾ (പുഴകൾ)
ഇവിടമാണിവിടമാണിതിഹാസരൂപിയാം
ഈശ്വരൻ ഇറങ്ങിയ തീരം (ഇവിടമാ...)
ഇവിടമാണാദ്യമായ്‌ മനുജാഭിലാഷങ്ങൾ
ഇതളിട്ട സുന്ദര തീരം ഓ...(പുഴകൾ)
കതിരിടും ഇവിടമാണദ്വൈത ചിന്ത തൻ
കാലടി പതിഞ്ഞൊരു തീരം (കതിരിടും)
പുരുഷാന്തരങ്ങളേ ഇവിടെ കൊളുത്തുമോ
പുതിയൊരു സംഗമദീപം ഓ... (പുഴകൾ)
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ