മയൂഖം
സംഗീതം :ബോംബെ രവി
രചന :മങ്കൊമ്പ്
ഈ പുഴയും കുളിര്‍കാറ്റും
മാഞ്ചോടും മലര്‍ക്കാവും
മാനോടും താഴ്‌വരയും
ഓര്‍മ്മയിലെ മര്‍മ്മരങ്ങള്‍
(ഈ...)
കഴിഞ്ഞ നാളിലെ വഴിയില്‍
കൊഴിഞ്ഞ പീലികള്‍ പെറുക്കി
മിനുക്കുവാന്‍ തലോടുവാന്‍
മനസ്സിലെന്തൊരു മോഹം
എത്ര സുന്ദരലിപികള്‍, അതി-
ലെത്ര നൊമ്പരകൃതികള്‍...
(ഈ...)
തുറന്ന വാതിലിലൂടെ
കടന്നു വന്നൊരു മൈന
പറന്നുവോ അകന്നുവോ
മാനത്തിന്നൊരു മൗനം
എത്രയെത്ര അഴക്, അതി-
ലെത്ര വര്‍ണ്ണച്ചിറക്...
(ഈ...)
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ